ԱՄՆ պետքարտուղար Բլինքենն անդրադարձել է 3 հայ ռազմագերիների ազատ արձակմանը

ԱՄՆ պետքարտուղար Էնթոնի Բլինքենն անդրադարձել է Ադրբեջանի կողմից 3 հայ ռազմագերիների ազատ արձակմանը։

«ԱՄՆ-ը ողջունում է Ադրբեջանի կողմից երեք հայ կալանավորվածների ազատ արձակումը: Մենք երկու կողմերին կոչ ենք անում ամբողջությամբ և արագորեն ավարտել բոլոր բանտարկյալների, կալանավորվածների և աճյունների փոխանակման գործընթացը և հարգել կալանավորների նկատմամբ մարդասիրական վերաբերմունքն ապահովելու իրենց պարտավորությունները»,-թվիթերում գրել է Բլինքենը:

3 գերիների վերադարձի մասին գրառում է կատարել նաև Հարավային Կովկասում ԵՄ հատուկ ներկայացուցիչ Տոյվո Կլաարը։

«Ողջունելի է Ադրբեջանի կողմից ևս երեք հայ կալանավորվածների ազատ արձակումը: Կարևոր է, որ երկու կողմերն էլ  ազատ արձակվեն բոլոր բանտարկյալներին ու կալանավորվածներին՝  վստահություն ստեղծելու ու քայլ կատարելու Հարավային Կովկասում դեպի կայուն խաղաղություն ու բարգավաճում»,-թվիթերում գրել է ԵՄ հատուկ ներկայացուցիչը։