Ֆրանսիայի ԱԳՆ. Անհապաղ ազատ արձակել բոլոր հայ գերիներին

Ֆրանսիայի արտաքին գործերի նախարարությունն Ադրբեջանին կոչ է անում անհապաղ ազատ արձակել բոլոր հայ գերիներին։

"Կոչ ենք անում անհապաղ ազատ արձակել դեռևս անազատության մեջ պահվող մնացած բոլոր հայ գերիներին: Նախօրեին Ադրբեջանի կողմից 3 հայ գերիների ազատ արձակումը դրական ժեստ էր այս առումով",- ասված է Ֆրանսիայի ԱԳՆ ֆեյսբուքյան ու թվիթերի գրառման մեջ։

Ֆրանսիայի ԱԳՆ-ն գրառմանը կցել է նաև մայիսի 5-ին ԵԱՀԿ Մինսկի խմբի համանախագահների հայտարարությունը։