Տղամարդը ինը հազար անգամ զանգահարել է Իսպանիայի արտակարգ իրավիճակների ծառայություն

Իսպանական ոստիկանությունը ձերբակալել է մի մարդու, ով համարյա 9 հազար անգամ զանգահարել է արտակարգ իրավիճակների ծառայության հեռախոսահամարներին և վիրավորել օպերատորներին, փոխանցում է «ՌԻԱ Նովոստի»-ն։

Հաղորդվում է, որ 49-ամյա տղամարդը ձերբակալվել է մայիսի 7-ին Աստուրիայի ինքնավար համայնքի մայրաքաղաք Օվիեդոյում՝ ծառայության կողմից ոստիկանություն բողոք ներկայացնելուց հետո։

Ավելի ուշ պարզվել է, որ 2019 թվականից սկսած մեկ հեռախոսից 377 զանգ է կատարվել «091» և 4957 հեռախոսազանգեր՝ «112» փրկարարական ծառայության համարներին: Ինչպես պարզել է հետաքննությունը, զանգերից ոչ մեկը կապված չի եղել ծառայություն զանգահարելու անհրաժեշտության հետ: Զանգահարողի միակ նպատակը օպերատորներին վիրավորելն ու ծառայությունների աշխատանքին միջամտելն է եղել։

Ոստիկանությունը ձերբակալել է կասկածյալին՝ նրա ինքնությունը պարզվելուն պես: Տղամարդուն մեղադրում են անհնազանդության մեջ, քանի որ նա բազմիցս անտեսել է նման զանգերը դադարեցնելու և ծառայության օպերատորներին չխանգարելու խնդրանքները: