«Բարսելոնան» պատրաստ է Մեսսիին զոհաբերել Հոլանդին ձեռք բերելու համար

Կատալոնական «Բարսելոնան» նախատեսում է անել հնարավորը Դորտմունդի «Բորուսիայի» խաղացող Էրլինգ Հոլանդին ձեռք բերելու համար, հայտնում է «Գազետա.ռու»-ն։

Հանուն նորվեգացու, կատալոնացիները պատրաստ են զոհաբերել հարձակվող Լիոնել Մեսսիի հետ աշխատանքային պայմանագրի երկարաձգման աշխատանքները: Արգենտինացու պայմանագրի ժամկետը լրանում է 2021 թվականի ամռանը:

Ընթացիկ մրցաշրջանում Հոլանդն անցկացրել է 39 հանդիպում ՝ դառնալով 39 գոլի հեղինակ: Մեսսին խաղադաշտ է մտել 46 անգամ, դարձել է 37 գոլի և 12 գոլային փոխանցման հեղինակ:

«Բարսելոնան» 76 միավորով Իսպանիայի առաջնության մրցաշարային աղյուսակում երրորդ տեղում է: Ազգային առաջնության ավարտից երկու տուր առաջ չորս միավոր բաժանում է կատալոնացիներին՝ առաջատար «Ատլետիկոյից»։