Ամենից շատ կարդացված նյութեր
.jpg "«Ժողովուրդ». ՀՔԾ-ն թույլ է տվել ՀՀ նախկին ոստիկանապետ Ալիկ Սարգսյանին դուրս գալ ՀՀ-ից")
«Ժողովուրդ». ՀՔԾ-ն թույլ է տվել ՀՀ նախկին ոստիկանապետ Ալիկ Սարգսյանին դուրս գալ ՀՀ-ից
«Ժողովուրդ» թերթը գրում է.
«ՀՀ հատուկ քննչական ծառայությունը թույլ է տվել «Մարտի 1»-ի գործով մեղադրյալ, ՀՀ նախկին ոստիկանապետ Ալիկ Սարգսյանին դուրս գալ Հայաստանի Հանրապետությունից: Մեզ հասած տեղեկությունների համաձայն՝ Ալիկ Սարգսյանը դիմել է ՀՔԾ-ին՝ հայտնելով, որ առողջական լուրջ խնդիր ունի և հետագա բուժումը ստանալու համար պետք է գնա Ռուսաստանի Դաշնություն:
ՀՔԾ-ն, ուսումնասիրելով նախկին ոստիկանապետի դիմումը , բավարարել է և թույլ է տվել, որ Ալիկ Սարգսյանի՝ «ստորագրություն՝ չհեռանալու մասին» որոշումը վերադարձվի, և նա մեկնի Ռուսաստանի Դաշնություն: Վերջինս ներկայումս ՌԴ-ում է և զբաղված է առողջական խնդիրներով:
Նշենք, որ Ալիկ Սարգսյանը «Մարտի 1»-ի գործով մեղադրվում է միանգամից երեք հոդվածներով՝ պաշտոնեական լիազորությունները չարաշահելու, պաշտոնեական կեղծիք կատարելու և հանցագործությունը պարտակելու համար: Նախկին ոստիկանապետի նկատմամբ խափանման միջոց է ընտրվել ստորագրությունը՝ չհեռանալու մասին: Սարգսյանը իրեն առաջադրված մեղադրանքը չի ընդունում»։
Մանրամասները թերթի այսօրվա համարում
Studio One