Մեսսին չի մարզվում Բարսելոնայի հետ ու բաց կթողնի Էյբարի հետ խաղը

Հարձակվող Լիոնել Մեսսին՝ գլխավոր մարզիչ Ռոնալդ Կումանի թույլտվությամբ, չի մարզվում «Բարսելոնայի» հետ և բաց կթողնի Իսպանիայի առաջնության 38-րդ տուրի՝ «Էյբարի» հետ խաղը։ Այս մասին գրում է championat.com-ը՝ հղում տալով կապտանռնագույնների պաշտոնական կայքին։

Ավելի վաղ հայտնի էր դարձել, որ արգենտինացին իր կարիերայի շարունակման տարբերակները քննարկում է իր ընտանիքի հետ, այդ թվում հոր և եղբայրներից մեկի։ Նրանք պնդում են, որ Մեսսին տեղափոխվի ՊՍԺ։

Նշվում է, որ ֆրանսիական ակումբի մարզական տնօրենը հետևում է ստեղծված իրավիճակին։

Հարձակվողը հասկանում է, որ ապագայում չի կարողանա բարձր աշխատավարձ ստանալ իսպանական ակումբում, քանի որ կատալոնացիները ֆինանսական բարդ կացության մեջ են։

Ըստ աղբյուրի, արգենտինացի հարձակվողը մտադիր է բարձր մակարդակի վրա խաղալ ևս երկու մրցաշրջան մինչև 2023-ի ամառը՝ մինչ ԱՄՆ տեղափոխվելը։ Հաջորդ երկու տարիները Մեսսին նախատեսում է անցկացնել Եվրոպայում. Իսպանիայում կամ Ֆրանսիայում: