Լիտվայի ԱԳՆ․ Սահմանազատման համաձայնություն կարելի է ձեռք բերել միայն բանակցություններով և ոչ սահմանին զորքեր հավաքելով

Լիտվայի արտաքին գործերի նախարարությունը հայտարարություն է արել՝ Հայաստան-Ադրբեջան սահմանին տիրող իրավիճակի վերաբերյալ։

Հայտարարության մեջ ասվում է, որ Լիտվայի ԱԳՆ-ն խորապես մտահոգված է վերջին շաբաթների ընթացքում Հայաստանի և Ադրբեջանի սահմանին տիրող իրավիճակով:

«Մենք մտահոգված ենք երկու երկրների զինված ուժերի սահմանային բախումների մասին հաղորդագրություններով, որոնք վտանգում են ինչպես զինվորների, այնպես էլ խաղաղ բնակիչների կյանքը: Կոչ ենք անում երկու կողմերին դեէսկալացնել իրավիճակը և դուրս բերել զորքերը:

Սահմանի սահմանազատման և սահմանագծման մասին համաձայնություն կարելի է ձեռք բերել միայն բանակցությունների սեղանի շուրջ, այլ ոչ թե սահմանին զորքեր հավաքելով:

Մենք շարունակում ենք ուշադիր հետեւել իրավիճակին: Կարծում ենք, որ դեէսկալացիային ուղղված քայլերը կնպաստեն Հայաստանի և Ադրբեջանի միջև վստահության ամրապնդմանը և հակամարտության խաղաղ կարգավորմանը»,-ասվում է հայտարարության մեջ։