«Եվրատեսիլի» կազմակերպիչները որոշել են դադարեցնել Բելառուսի անդամակցությունը մրցույթին

Եվրոպական հեռարձակողների միությունը (EBU), որը մասնակցում է «Եվրատեսիլ» երգի մրցույթի կազմակերպմանը, որոշում է կայացրել դադարեցնել Բելառուսի անդամակցությունը: Լենտա.ռու-ի հաղորդմամբ, այս մասին հայտնում է RBC- ն իր Թելեգրամ ալիքում:

Բելառուսի ներկայացուցիչներին երկու շաբաթ ժամանակ է տրվել պատասխանելու համար, ապա որոշումն ուժի մեջ կմտնի:

Այս տարվա մարտի 11-ին հայտնի էր դարձել, որ «Եվրատեսիլի» կազմակերպիչները հրաժարվել են ընդունել Բելառուսի ներկայացուցչի «Ես կսովորեցնեմ քեզ» երգը: Ըստ միջոցառման հանձնաժողովի, այն  «կասկածի տակ է դնում մրցույթի ոչ քաղաքական բնույթը»: Երգի տեսանյութը հանվել էր մրցույթի Յութուբյան ալիքից:

Մարտի 26-ին  հայտնի էր դարձել, որ «Եվրատեսիլ» երաժշտական մրցույթի կազմակերպիչները արգելել են Բելառուսին մասնակցել 2021 թ. մրցույթին: Մրցույթի ներկայացուցիչներն ասել էին, որ փոխարինած երգը նույնպես չի համապատասխանում մրցույթի կանոններին և կարող է վնասել դրա հեղինակությանը: