ԵՄ-ն պաշտոնապես արգելում է բելառուսական բոլոր ավիափոխադրողներին թռչել իր օդային տարածքով

Եվրամիությունը պաշտոնապես արգելել է բելառուսական բոլոր ավիափոխադրողներին օգտագործել իր օդային տարածքը: Այդ մասին հայտնել է The Bell-ը՝ վկայակոչելով Եվրոպական խորհրդի հայտարարությունը:

Նշվում է, որ խորհուրդը որոշել է ուժեղացնել առկա սահմանափակող միջոցները՝ հաշվի առնելով Բելառուսում տիրող իրավիճակը և բելառուսական բոլոր փոխադրողների համար արգելք է դնում ԵՄ օդային տարածքով թռիչքի և օդանավակայաններ մուտքի վրա:

«Այսպիսով, ԵՄ անդամ երկրները պարտավոր կլինեն արգելել բելառուսական ավիափոխադրողների կողմից շահագործվող ցանկացած ինքնաթիռի վայրէջքը, օդ բարձրանալը կամ թռիչքը իրենց օդային տարածքներով»,- ասվում է հաղորդագրության մեջ:

Մայիսի 23-ին Մինսկում ձերբակալվել էր NEXTA հեռագրական հեռուստաալիքի հիմնադիրներից և նախկին գլխավոր խմբագիր Ռոման Պրոտասևիչը: Նա Աթենքից Վիլնյուս էր թռչում, իսկ Բելառուսի տարածքի վրայով թռչելիս՝ Ryanair ինքնաթիռը «ականապատված լինելու մասին հաղորդագրության» հիմնավորմամբ  վայրէջք էր կատարել Մինսկում: Նրան ուղեկցել էր Բելառուսի ռազմաօդային ուժերի ՄիԳ -29-ը: Բայց, Ryanair-ի ինքնաթիռի ականապատված լինելու մասին տեղեկությունները չեն հաստատվել: