Superbet Chess Classic. Արոնյանը երկրորդն է

Բուխարեստում ավարտվել է Superbet Chess Classic մրցաշարը՝ Grand Chess Tour –ի առաջին էտապը։ Հայաստանը ներկայացնող Լևոն Արոնյանը զբաղեցրել է 2-րդ տեղը։

championat.com-ի հաղորդմամբ, Լևոն Արոնյանը 9 հնարավորից վաստակել է 5 միավոր և ռուսաստանցի Ալեքսանդր Գրիշչուկի ու ամերիկացի Վեսլի Սոյի հետ բաժանել 2-4-րդ տեղերը։ Լրացուցիչ ցուցանիշներով Արոնյանը զբաղեցրել է երկրորդ տեղը, Գրիշչուկը՝ երրորդ։

Հաղթող է ճանաչվել ադրբեջանցի Շահրիյար Մամեդյարովը՝ վաստակելով հնարավոր 9-ից 6 միավոր։