Սոֆյա Հովսեփյան. Տրանսպորտի փոխնախարար նշանակում մեկին, ով իր հայրական կազմակերպություններով ասֆալտ փռեց

ԱԺ պատգամավոր, նախկին իմքայալական Սոֆյա Հովսեփյանը, արձագանքելով հայտնի բժիշկ, «Հայաստան» դաշինքի պատգամավորության թեկնածու Արմեն Չարչյանի ձերբակալությաւնը, գրել է.

«Սևանի հոգեբուժարանի տեսանյութը շա՞տ էր զիջում «Իզմիրյան» կենտրոնի ձայնագրությանը։ Ի՞նչ կա, որևէ մեկը դատվե՞լ է

Երկակի ստանդարտներով ապրող ժողովուրդը վաղը նույն կերպ ընտրություն կանի և կորոշի շատերի ապրելու իրավունքը։ Այ սա իմ ամենամեծ խնդիրն էր «Իմ քայլում», երբ նախորդին ասում էին թալանչի, կողքից իրենք աչք էին փակում իրենց կուսակցի թալանի վրա, երբ թալանչի էին ասում մարդկանց ու տրանսպորտի փոխնախարար նշանակում մեկին, ով սիրուն բոլոր կազմակերպություններին քցեց սև ցուցակ ու ինքն իր հայրական կազմակերպություններով ասֆալտ փռեց...

Որքա՞ն կռիվ տվեցի էս ստանդարտների դեմ, որո՞նք թշնամի հավաքեցի հանուն պետության շահի, գիտեմ ես և իրենք և այն մարդիկ ,ովքեր ուրացող չեն։
Լռության օր է, բարի առավոտ...»։