Հայտնի են մթերքները, որոնք չի կարելի համատեղել բանանի հետ

Չելյաբինսկի «Բորմենտալ» կլինիկայի քաշի կարգավորման մասնագետ Պավել Իսանբաևը «ՌԻԱ Նովոստի»-ին ասել է, թե որ մթերքը չպետք է զուգակցել հասուն ու չհասած բանանի հետ:

«Բանանը հիպոալերգիկ արտադրանք է, որը թույլատրվում է օգտագործել նույնիսկ փոքր երեխաներին: Այնուամենայնիվ, չհասած բանանը չպետք է ուտեն մանրաթելերի թույլ մարսողություն ունեցողները, կամ աղիքների, ենթաստամոքսային գեղձի, լեղապարկի հետ կապված խնդիրներ ունեցողները: Այս դեպքում չհասցրած բանանը կհանգեցնի աղիների փքվածությանը: Ձեզ չի կարելի դրանք համատեղել այլ մրգերի մանրաթելերի այլ աղբյուրների հետ: Օրինակ, եթե մրգային աղցան եք պատրաստում, չհասած բանանին մի ավելացրեք խնձոր կամ բանջարեղեն, քանի որ դրանք կբարձրացնեն փքվածության էֆեկտը»,- ասել է Իսանբաևը:

Եթե այդ հիվանդությունները գոյություն չունեն, ապա չհասած բանանն օգտակար է: Մասնավորապես, դրանք պարունակում են դիմացկուն օսլա, ինչը նորմալացնում է ստամոքս-աղիքային համակարգի աշխատանքը:

«Հասած բանանը շատ շաքար է պարունակում: Այսպիսով, բանան-շոկոլադե հայտնի աղանդերը խորհուրդ չի տրվում այն մարդկանց, որոնք հակված են արյան մեջ գլյուկոզայի բարձր մակարդակին»,-զգուշացրել է մասնագետը: