Թուրք վերլուծաբան. Փաշինյանի հաղթանակը նշանակում է, որ ժողովուրդն ընդունում է՝ «Ադրբեջանը վերադարձրել է իր հողերը»

Թուրքական ազգայնամոլական «Yeni çağ gazetesi» թերթի կայքում  «Հայաստանն առանց Թուրքիա չի կարող առաջ շարժվել» վերնագրով հոդված է հրապարակվել։

«Էրմենիհաբեր»-ը գրում է, որ հեղինակ Արսլան Թեքինը իր հոդվածում անդրադարձել է Հայաստանում անցկացված արտահերթ խորհրդարանական ընտրություններին և վարչապետի պաշտոնակատար Նիկոլ Փաշինյանի տարած հաղթանակին:

Թուրք վերլուծաբանի դիտարկմամբ՝ Փաշինյանի հաղթանակը նշանակում է, որ հայ ժողովուրդը պատերազմ չի ուզում և ընդունում/համակերպվում է այն հանգամանքի հետ, որ «Ադրբեջանը վերադարձրել է իր հողերը»:

Թեքինը նախ հիշեցրել է Փաշինյանի այն արտահայտությունը, որ «թշնամությունը պետք է կառավարելի դարձնել», ապա հավելել, որ անցյալում եղած տառապանքները եղել են երկուստեք ու դրանք պատմության մեջ պետք է մնան որպես ինչ-որ միջանկյալ ժամանակաշրջան: