Հայ գերիների հարցը Նիդերլանդների խորհրդարանականների ուշադրության կիզակետում

Ներկայացուցիչների պալատը (խորհրդարանը) կարծում է, որ ոչ մի կառավարական պատվիրակություն չպետք է մեկնի Բաքու` Ադրբեջան, եթե Նիդերլանդները հասնի Եվրոպայի ֆուտբոլի առաջնության քառորդ եզրափակիչ: Այս նպատակով ChristenUnie-ի և GroenLinks-ի առաջարկը խորհրդարանում չորեքշաբթի ստացել է մեծամասնության աջակցությունը, հայտնում է Նիդերլանդական Օրագիրը։

Նարնջագույնների թիմը նախ կիրակի օրը կանցկացնի 1/8 եզրափակիչի խաղը  Հունգարիայի Բուդապեշտ  քաղաքում (Չեխիայի հետ-ծանոթ. Ն.O.): Այս խաղում Նիդերլանդական իշխանություններից  կամ թագավորական ընտանիքից պատվիրակություն չի լինի:  Նախօրոք օրակարգում նման հարց դրված չի եղել:

Եթե ​​«Նարնջագույնը» հաղթի այս խաղում, նրանց հաջորդ խաղը կլինի Ադրբեջանում: Անցյալ տարի այդ երկիրը պատերազմ սկսեց Հայաստանի հետ Լեռնային Ղարաբաղում: Ադրբեջանը մինչ այժմ պահում է շուրջ երկու հարյուր հայ զինվորների որպես ռազմագերիներ, ինչը ռազմական օրենքների կոպիտ խախտում է, հայտնում են ChristenUnie-ն և GroenLinks-ը: