Վրացական կողմը պատրաստ է շարունակել միջնորդությունը Հայաստանի և Ադրբեջանի միջև. Իրակլի Ղարբաշվիլի

Վրաստանը բոլոր առումներով պատրաստ է դառնալ ՆԱՏՕ-ի անդամ: «Ինտերֆաքս»-ի փոխանցմամբ, այդ մասին ուրբաթ խորհրդարանում ասել է Վրաստանի վարչապետ Իրակլի Ղարիբաշվիլին՝ ներկայացնելով կառավարության կատարած աշխատանքների տարեկան զեկույցը:

Նրա խոսքով ՝ Աֆղանստանում ՆԱՏՕ-ի առաքելությանը մասնակցող վրացի զինծառայողները ամբողջ աշխարհին ցույց են տվել իրենց պրոֆեսիոնալիզմը:

«Ես ուզում եմ անկեղծորեն շնորհակալություն հայտնել մեր բոլոր զինվորականներին, ովքեր այժմ վերադառնում են Աֆղանստանից, իրենց հայրենիքին ծառայելու համար»,-ասել է Ղարիբաշվիլին:

Անդրադառնալով տարածաշրջանում տիրող իրավիճակին՝ վարչապետը նշել է, որ Վրաստանի համար չափազանց կարևոր է խաղաղության և կայունության պահպանումը:

«Մենք շարունակում ենք հավասարակշռված և փոխշահավետ քաղաքականություն վարել: Այս քաղաքականության շատ կարևոր բաղադրիչը ԱՄՆ-ի աջակցությամբ իմ վերջին միջնորդությունն էր` Հայաստանի և Ադրբեջանի միջև համաձայնության գալու հարցում»,-ասել է Ղարիբաշվիլին:

Նա նշել է, որ վրացական կողմը պատրաստ է շարունակել միջնորդությունը Հայաստանի և Ադրբեջանի միջև՝ հանուն տարածաշրջանում խաղաղության և կայունության: