Ամենից շատ կարդացված նյութեր
.jpg "Բայդենն ասել է, որ քանի դեռ հարցն իր դիտարկման ներքո է՝ Իրանը միջուկային զենք չի ստանա")
Բայդենն ասել է, որ քանի դեռ հարցն իր դիտարկման ներքո է՝ Իրանը միջուկային զենք չի ստանա
ԱՄՆ նախագահ ՋոԲայդենն ասել է, որ չի հանդուրժի Իրանում միջուկային զենքի առկայությունը: Ամերիկացի առաջնորդը Իսրայելի պաշտոնը լքող նախագահ Ռեուվեն Ռիվլինին հավաստիացրել է այդ մասին Սպիտակ տանը կայացած իրենց հանդիպման ժամանակ: «Associated Press»-ի տարածած հաղորդագրությունը ներկայացրել է «Ինտերֆաքս»-ը:
Բայդենը շեշտել է, որ Իրանը երբեք չի ստանա միջուկային զենք, քանիդեռ ինքը հետևում է գործընթացին:
ԱՄՆ նախագահը նշել է, որ ինքը նախկինում պատվիրել էր ավիահարվածներ հասցնել այն թիրախներին, որոնք, ըստ ամերիկացի զինվորականների, օգտագործվում էին Իրանից աջակցվող գրոհայինների կողմից: Թիրախները Իրաքի և Սիրիայի սահմանին էին:
Պետդումայի պաշտպանության կոմիտեի փոխնախագահ Յուրի Շվիտկինը ասել է, որ ԱՄՆ օդային հարվածները իրանամետ ուժերի դեմ անօրինական են և ագրեսիայի ակտ են այդ պետությունների դեմ:
Անցյալ շաբաթ Իսրայելի Պաշտպանության բանակի շտաբի պետ Ավիվ Քոչավին հանդիպել էր Բայդենի ազգային անվտանգության հարցերով խորհրդական Ջեյք Սալիվանի հետ և դեմ արտահայտվել Համապարփակ գործողությունների ծրագրին վերադառնալու Միացյալ Նահանգների ձգտմանը:
Studio One