Ճապոնիայում սողանքից հետո անհայտ կորել է շուրջ 20 մարդ

Ճապոնիայում Սիդզուոկա վարչատարածքում շաբաթ առավոտյան սողանք է գրանցվել: «Ինտերֆաքս»-ի հաղորդմամբ, NHK-ն հայտնել է մոտ 20 մարդու անհետ կորելու մասին: 

Տեղական ժամանակով առավոտյան 10:30-ին Աթամի քաղաքում տեղի է ունեցել սողանք, որը քանդել է մի քանի տուն, վնասել քաղաքի ենթակառուցվածքը:

«Tokyo Electric Power Company» ընկերության տվյալներով՝ տարածաշրջանում ավելի քան 2,8 հազար տուն մնացել է առանց էլեկտրականության: Մի քանի օր անընդմեջ այնտեղ անձրև է տեղացել:

Տեղական իշխանությունները ռազմական օգնություն են խնդրել Աթամիում փրկարարական գործողություն իրականացնելու համար:

Ճապոնիայի մեծ մասում ներկայում անձրևային սեզոն է, որը սովորաբար տևում է մի քանի շաբաթ և հաճախ ջրհեղեղների և սողանքների պատճառ դառնում: