Թբիլիսիում երեկվա ակցիայի ժամանակ 53 լրագրող է տուժել

ԼԳԲՏ ներկայացուցիչների կողմից «Թբիլիսի փրայդ»-ի ժամանակ ազգայնական ուժերը կոնտր ակցիա են իրականացրել։ 

Վրաստանի Ներքին գործերի նախարարության փոխանցմամբ, ակցիայի ժամանակ տեղի են ունեցել բռնություններ, ինչի հետևանքով 55 մարդ տեղափոխվել է հիվանդանոց։

Տուժածներից 53-ը լրագրողներ են։ Նրանցից մի քանիսը նույնիսկ վիրահատության կարիք ունեն։

«Գրուզիա օնլայն»-ի փոխանցմամբ, հասարակական կարգի խախտման համար ձերբակալվել է 8 մարդ։

Եվրոպական կառույցներն այսօր արդեն Վրաստանի պահանջում են քննել երեկվա իրադարձությունները։

ԵԱՀԿ/ԺՀՄԻԳ-ը մտահոգություն է հայտնել  լրագրողների, ակտիցիստների նկատմամաբ հարձակումներից, ինչպես նաև  խաղաղ «Թբիլիսի փրայդ»-ի հետաձգումից։

«Ակտիվիստների, լրագրողների, նրանց ունեցվածքի նկատմամաբ հարձակումները պետք է դառնան անհապաղ ու մանրամասն քննության առարկա»,-նշել է ԵԱՀԿ/ԺՀՄԻԳ-ը։

ԱՄՆ պետդեպի մամուլի խոսնակն էլ նշել է,  որ Վրաստանի իշխանություններն ու իրավապահ մարմինները պարտավոր են ապահովել կարծիքի ազատ արտահայտումը, ինչպես նաև պատասխանատվության ենթարկել բռնության մասնակիցներին։