ԵՄ հանձնակատարը Կաթողիկոսին ներկայացրել է Հայաստան կատարած իր այցի նպատակները

Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեիին այսօր հանդիպել է Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսին Մայր Աթոռ Սուրբ Էջմիածնում։ Այս մասին տեղեկացնում է ԵՄ հայաստանյան ներկայացուցչությունը։

Հանձնակատարը ներկայացրել է Հայաստան կատարած իր այցի նպատակները,  առ այսօր տարբեր ծրագրերի միջոցով Հայաստանին ցուցաբերված մարդասիրական օգնությունը և ապագային միտված ԵՄ-Հայաստան համագործակցությունը։