Կուբայի նախագահը հայտարարել է անկարգությունների հետևանքով մեծ թվով տուժածների մասին

Կուբայի նախագահ Միգել Դիաս-Կանելը, ըստ «Ռիա Նովոստիի» ասել է, որ կառավարության կողմնակիցների շրջանում, ովքեր կիրակի օրը փողոց են դուրս եկել ՝ ի պաշտպանություն կոմունիզմի, շատերը վիրավորվել են ցուցարարների հետ բախումներից:

«Նրանք պաշտպանում են իրենց դրդապատճառները և իրենց ճշմարտությունը, իսկ  մենք շատ գործընկերներ ունենք, շատ մարդիկ այդ ժողովրդից, ովքեր վնասվածքներ են ստացել, ծեծել են նրանց և քարեր նետել", - ասել է պետության ղեկավարը ելույթի ժամանակ, որը հրապարակել է «Caribe» ալիքը:

Կուբայում բողոքի ակցիաները սկսվել են դեռ կիրակի ՝ հուլիսի 11-ից։ Դրան մասնակցել են հազարավոր մարդիկ, որոնք պահանջում են,որ անցկացվեն ազատ ընտրություններ և լուծվեն սոցիալական խնդիրները:

Կառավարության կողմնակիցները փողոց դուրս գալու եւ սադրանքներին հակահարված տալու նախագահի կոչից հետո սեփական երթեր են անցկացրել երկրի քաղաքներում: Կուբայի իշխանությունները հայտարարել են, որ ցույցերի հետևում կանգնած է ԱՄՆ-ն, Վաշինգթոնում այդ խոսքերը հերքել են ՝ դրանք անվանելով «լուրջ սխալ»: