Ռուսաստանը փորձարկել է С-500 համակարգը

«Կապուստին Յար» զորավարժարանում Ռուսաստանը փորձարկել է С-500 նորագույն զենիթահրթիռային համակարգը։ Այս մասին, Ria-ի հաղորդմամբ, հայտնել է ՌԴ ՊՆ-ն:

«Կապուստին Յարի զորավարժարանում նորագույն С-500 զենիթահրթիռային համակարգը փորձնական մարտական կրակ է արձակել գերարագ բալիստիկ թիրախի ուղղությամբ: Ըստ օբյեկտիվ կառավարման սարքավորումների՝ թիրախը խոցվել է», - ասվում է հաղորդագրության մեջ:

Ավելացվում է, որ իրականացված С-500-ի փորձարկումները հաստատում են ռուսական ՀՕՊ տեխնիկայի մարտավարական և տեխնիկական բնութագրերը և բարձր հուսալիությունը: