21.07.2021. Կորոնավիրուսի 220 նոր դեպք է գրանցվել, մահացել է 1 մարդ

Հայաստանում երեկ կատարվել է 4875 թեստավորում, որից հաստատվել է կորոնավիրուսային հիվանդության 220 նոր դեպք: Առողջապահության նախարարության հաղորդմամբ, մեկ օրում առողջացել է 56 մարդ, գանցվել է մահվան մեկ դեպք:

ԱՆ վերջին տվյալների համաձայն, հուլիսի 21-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր  227 936   դեպք, որոնցից  218 585 -ն` առողջացած, 4573-ը` մահվան ելքով: Մահվան ևս 1113 դեպք է գրանցվել, երբ պացիենտներն ունեցել են կորոնավիրուսային վարակ, սակայն, ըստ ԱՆ-ի, մահը վրա է հասել այլ հիվանդության պատճառով։

Համավարակից ի վեր, ըստ պաշտոնական տվյալների, Հայաստանում մահացել է 5686 կորոնավիրուսով հիվանդ։

Կորոնավիրուսային հիվանդությամբ այս պահին փաստացի բուժում է ստանում 3665 պացիենտ: Ընդհանուր առմամբ, կատարվել է  1 282 345 թեստավորում: