Աֆղանստանի պաշտպանության նախարարի տան վրա հարձակման զոհ է դարձել 8 մարդ

Աֆղանստանի պաշտպանության նախարարության ղեկավարի տունը երեքշաբթի հարձակման է ենթարկվել մահապարտների կողմից, զոհվել է ութ խաղաղ բնակիչ: Այս մասին փոխանցում է «ՌԻԱ Նովոստի» -ն:

Նախօրեին հայտնի է դարձել, որ անհայտ անձինք Քաբուլում ներխուժել են Աֆղանստանի ռազմական գերատեսչության ղեկավար Բիսմիլա Խան Մոհամմադիի և խորհրդարանի ստորին պալատի պատգամավոր Ազիմ Բագլանիի տուն:

«Ութ խաղաղ բնակիչ է սպանվել, ևս 20 մարդ, այդ թվում ՝ Մոհամմադիի թիկնապահները, վիրավորվել են», – ասել է երկրի պաշտպանության նախարարության ներկայացուցիչը:

Նրա տվյալներով ՝ հարձակումը տևել է մոտ 5 ժամ, ինչի հետևանքով հինգ մահապարտ ահաբեկիչներ են ոչնչացվել: