Կոնվերս բանկը նվազեցրել է ծրագրային վարկավորման տոկոսադրույքը

Կոնվերս Բանկը վերանայել է Ազգային հիփոթեքային ընկերության կողմից վերաֆինանսավորվող վարկերի տրամադրման պայմանները՝ որոշ խմբերի համար 0.5%-ով նվազեցնելով վարկավորման տոկոսադրույքը:

Բանկի մամուլի ծառայությունից հայտնում են, որ առաջարկից կարող են օգտվել Կոնվերս բանկի Մոբայլ հավելվածի օգտատերերն ու քարտապանները:

Վերանայվել է նաև կանխավճարի չափին ներկայացվող պայմանը. այսուհետ հաճախորդը կարող է վճարել ձեռքբերման գնի 10 %-ի չափով կանխավճար, իսկ 20%-ի համար ներկայացնել ապահովագրության վկայական:

«Արդեն մոտ 4 տարի անընդմեջ Կոնվերս բանկը ծրագրային՝ Ազգային հիփոթեքային ընկերության կողմից վերաֆինանսավորվող  և Մատչելի բնակարան երիտասարդներին ծրագրի ներքո վարկերի պորտֆելով Հայաստանում առաջատարերից մեկն է: Դա հնարավոր է դարձել ճկուն վարկային քաղաքականության և վարկավորման մրցունակ պայմանների շնորհիվ: Բանկը հետամուտ է շուկայի միտումներին ու պարբերաբար վերանայում է վարկավորման պայմանները՝ հաճախորդներին առաջարկելով ֆինանսավորման մրցունակ պայմաններ»,- ասել են Բանկում:

Վարկավորման մանրամասներին, պայմաններին, սահմանված բացառություններին և հավելյալ հնարավորություններին կարող եք ծանոթանալ այստեղ։

Բանկը վերահսկվում է ԿԲ կողմից: