ՄԱԿ-ը Հայաստանին ու Ադրբեջանին զսպվածության կոչ է անում

ՄԱԿ գլխավոր քարտուղար Ֆարհան Հաքը Հայաստանին ու Ադրբեջանին զսպվածության, երկխոսության կոչ է արել։

«Մենք շարունակում ենք կողմերին կոչ անել ձեռնպահ մնալ գործողություններից, որոնք հանգեցնում են լարվածության աճի, և խնդիրները լուծել երկխոսության միջոցով»,- «ՏԱՍՍ»-ի փոխանցմամբ, ասել է նա։

Հիշեցնենք, որ օգոստոսի 6-ին, ժամը 12:10-ի սահմաններում, ադրբեջանական ԶՈՒ ստորաբաժանումները, տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ, ինչի հետևանքով նաև հրդեհվել է միջդիրքային հատվածի խոտածածկույթը։