ԱՄՆ դեսպանը պատմել է՝ ինչու որոշեց արձակուրդն անցկացնել Սյունիքում

Հիասքանչ տեսարաններ, աստղազարդ գիշեր և հյուրընկալ մարդիկ. ահա թե ինչը գրավեց  դեսպան Թրեյսիին այս շաբաթ իր արձակուրդն անցկացնել Սյունիքի մարզում:

ԱՄՆ զարգացման գործակալության ֆեյսբուքյան էջի փոխանցմամբ, դեսպանը Սյունիքի լեռներում քայլարշավի է մասնակցել տեղացիների հետ, որոնք գիշերը խարույկի շուրջ տիկին Թրեյսիին պատմել են Հայաստանի հարուստ պատմության և մշակույթի մասին:

«Սյունիքը հիանալի վայր է հուշեր հավաքելու և ընտանիքի ու ընկերների հետ արժեքավոր ժամանակ անցկացնելու համար։ Որքան շատ եք այցելում Սյունիք, այնքան ավելի շատ բան եք բացահայտում այս հրաշալի մարզի և տեղացիների մասին»,-ասված է տարածած հաղորդագրության մեջ, որին կցված են դեսպանի լուսանկարները։