Տոկիոյում տղամարդը զայրացել է կանանց երջանիկ տեսքից և փորձել սպանել նրանց՝ հրդեհելով գնացքը

Տոկիոյում ուղևորների վրա հարձակում գործած անձը փորձել է սպանել «երջանիկ կանանց»։ Այս մասին հաղորդում է «Reuters»-ը։

Տղամարդը 10 հոգու է վիրավորել և փորձել հրկիզել գնացքը: Նա զայրացել է, երբ կանանց է տեսել, որոնք «երջանիկ տեսք ունեին»:

Ճապոնիայի ոստիկանության հաղորդմամբ՝ 36-ամյա տղամարդը գնացքի մեջ ձեթ է լցրել եւ փորձել հրկիզել գնացքը: Ավելի ուշ հայտնաբերվել են ձեթն ու կրակայրիչը: Տղամարդն իր պահվածքը բացատրել է կանանց սպանելու ցանկությամբ:

Հարձակում գործած անձը ձերբակալվել է: Ոստիկանությունը շարունակում է հետաքննել միջադեպի հանգամանքները: