Վրաստանում վերջին 24 ժամում կորոնավիրուսից մահացել է 44 մարդ

Վրաստանում արձանագրվել է կորոնավիրուսի 2 236 նոր դեպք: Այս մասին տեղեկությունը հրապարակվել է stopcov.ge կայքէջում, գրում է վրացական «Առաջին ալիք»-ը։

Ինտենսիվ թեստավորման վերջին 24 ժամում անցկացվել է 23 439 թեստ:
Ապաքինվել է ևս 3 146 պացիենտ:

Վերջին 24 ժամում կորոնավիրուսից մահացել է 44 մարդ: Համավարակի մեկնարկից մինչ օրս կորոնավիրուսից մահացել է 6 084 անձ:

Երկրում ընդհանուր պատվաստվել է 641 242 մարդ, լիարժեք պատվաստված է 197 118 մարդ: