Ամենից շատ կարդացված նյութեր
.jpg "Մանիպուլյացիայի մեծագույն վարպետ եք՝ Վահե Հակոբյանը Ռուբեն Ռուբինյանին")
Մանիպուլյացիայի մեծագույն վարպետ եք՝ Վահե Հակոբյանը Ռուբեն Ռուբինյանին
Տնտեսական հարցերի մշտական հանձնաժողովի նախագահի պաշտոնում «Հայաստան» դաշինքի առաջադրած թեկնածու Վահե Հակոբյանին հարց տալու համար ԱԺ այսօրվա նիստում հերթագրվեց 27 ՔՊ-ական պատգամավոր:
ԱԺ փոխխոսնակ Ռուբեն Ռուբինյանը, նիստը վարողի իրավունքից օգտվելով, առաջինը հարց տվեց՝ հիշելով, որ Հակոբյանը 2018 թվականին է լքել ՀՀԿ-ն և հարցրեց, թե արդյո՞ք այն պատճառով, որ կուսակցությունն այդ տարի կորցրել էր իշխանությունը:
«Բացարձակ ոչ: Այդ պահին ՀՀԿ-ն լքելը մեկ բանով էր պայմանավորված՝ այլևս չէի ուզում զբաղվել քաղաքականությամբ, ու հետո դուք ստիպեցիք, որ ես վերադառնամ քաղաքականություն, հարգելի գործընկերներ»,-պատասխանեց Վահե Հակոբյանը:
Ռուբեն Ռուբինյանը հետաքրքրվեց, թե Հակոբյանը ինչո՞ւ չվերադարձավ հարազատ ՀՀԿ-ն այլ ստեղծեց նոր կուսակցություն և տվեց երկրորդ հարցը. «Կա՞ հավանականություն, որ մի օր էլ, երբ, օրինակ, «Հայաստան» դաշինքը դժվարություն ունենա, դուք նորից չեք ուզենա չզբաղվել քաղաքականությամբ և թափուր մնա հանձնաժողովի նախագահի պաշտոնը»:
Վահե Հակողյանը փաստեց, որ Ռուբինյանը մանիպուլյացիայի մեծագույն վարպետ է, բայց և նորից կրկնեց, որ այն ժամանակ չէր ուզում զբաղվել քաղաքականությամբ, բայց հպարտ է ՀՀԿ-ի անդամ լինելու համար, իսկ նոր կուսակցություն ստեղծելիս հաշվի է առել ՀՀԿ-ի լավ կողմերը և բացթողումները:
«Շնորհակալ եմ կոմպլիմենտի համար, բայց խնդրում եմ ինձ այլևս որակումներ չտալ, ես ընդամենը հարցեր եմ տալիս»,-պատասխանեց Ռուբեն Ռուբինյանը:
Վահե Հակոբյանը նկատեց, որ Ռուբինյանն իրավունք չունի արձագանքել, քանի որ սպառել է «ԱԺ կանոնակարգ» օրենքով սահմանված արձագանքելու իրավունքը:
Studio One