Միշուստինը հորդորում է արագացնել ԵԱՏՄ երկրների տնտեսությունների անցումը թվային ձևաչափի

Ռուսաստանի վարչապետ Միխայիլ Միշուստինը կոչ է արել արագացնել Եվրասիական տնտեսական միության երկրների տնտեսությունների թվայնացումը: Այս մասին գրում է Ria-ն։

Միշուստինը նշել է, որ մեկ թվային տարածքի ստեղծումը կնպաստի նաև ինտեգրացիայի խորացմանը:

«Մենք պետք է պայմաններ ստեղծենք մեր տնտեսությունների արագացված թվային անցման համար, ներդնենք առաջադեմ տեխնոլոգիաներ և պրակտիկա», - ասել է նա Եվրասիական միջկառավարական խորհրդի ընդլայնված նիստում:

Միշուստինը նշել է, որ այս ուղղությամբ արդեն կան որոշ արդյունքներ:

Ռուսաստանի վարչապետը ԵԱՏՄ երկրներին կոչ է արել նաև համատեղ ջանքեր գործադրել կլիմայի գծով խնդիրները լուծելու համար:

Նշենք, որ ԵԱՏՄ-ն միջազգային տնտեսական ինտեգրացիոն միություն է, որը ստեղծվել է Մաքսային միության և Միասնական տնտեսական տարածքի հիման վրա և գործում է 2015 թվականի հունվարի 1-ից: Այժմ ԵԱՏՄ անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը: