«Նոր Ալիք»-ում Հայաստանը ներկայացնում է Սարո Գևորգյանը

Սոչիում երեկ մեկնարկել է «Նոր Ալիք» երիտասարդ կատարողների ամենամյա մրցույթը:  Հայաստանը ներկայացնում է երգիչ Սարո Գևորգյանը:

«Ինձ համար արդեն շատ մեծ հաղթանակ է այդ մրցույթին մասնակցելը, այդ բեմում լինելը: Շատ լավ եմ տրամադրված: Ինչ մրցույթի որ մասնակցել եմ, հաղթողին միանգամից նկատել եմ, զգացել եմ, բայց հիմա շատ կենտրոնացած եմ ինձ վրա՝ զգում եմ, որ շատ լավ է լինելու։

Մրցույթից հետո պետք է լավ երգեր հանեմ, ճաշակով ու միշտ ձգտեմ ամենաբարձրին, ուզում եմ սիրված լինել հանդիսատեսի կողմից»,- 1lurer.am-ի հետ զրույցում ասել է Սարոն։

«Նոր Ալիքի» կայքից տեղեկանում ենք, որ մրցույթին մասնակցում է 9 երկրից՝ Հայաստան, Ռուսաստան, Ավստրալիա, Բելառուս, Բուլղարիա, Վրաստան, Իսպանիա, Իտալիա, Ղազախստան,  11 ներկայացուցիչ։

«Նոր Ալիք»-ի մրցութային օրերն են՝ օգոստոսի 21, 22 և 24: