Կոնվերս Բանկում ակցիաների արդյունքներ են ամփոփվել

Կոնվերս Բանկում ամփոփել են VISA միջազգային վճարահաշվարկային համակարգի հետ երկու ակցիայի արդյունքները:

Բանկից  հայտնում են, որ դրանցից առաջինի շրջանակում  Վիզա քարտերով ամենաշատ Card to Card  փոխանցումներ կատարած և ստացած 10-ական հաճախորդ ստացել է Երևան պարկի 2-ական տոմս, իսկ երկրորդ ակցիայի արդյունքում՝ Բանկի խրախուսման ծրագրի շրջանակում  պարգևատրվել են Վիզա քարտերի վաճառք իրականացրած լավագույն աշխատակիցները:

Բանկում գոհունակություն են հայտնել երկու ակցիայի արդյունքներից և նշել. «Card to Card  փոխանցումների խթանմանը միտված ակցիայի շրջանակում՝ միայն հուլիս ամսվա ընթացքում   Card to Card  փոխանցում է  կատարել կամ ստացել մոտ 2000 Վիզա քարտապան, գործարքների թիվը գերազանցել է 5000-ը: Զգալիորեն աճել է նաև Վիզա քարտապանների թիվը: Ցուցանիշների էական աճը Բանկի առաջարկի նկատմամբ հաճախորդների վստահության և հետաքրքրության արդյունքն է»:

Օգոստոսի վերջին կավարտվի ևս մեկ ակցիա, որի արդյունքում որպես պարգև ոսկու ձուլակտորներ կստանան  Վիզա վճարային քարտերով անկանխիկ գործարքներ կատարած ամենաակտիվ քարտապանները:

Մանրամասները՝ հղումով։