Հիփոթեքային վարկավորման պորտֆելով Կոնվերս Բանկը համակարգի առաջատարներից է

2021թ առաջին կիսամյակի տվյալով Կոնվերս Բանկի հիփոթեքային վարկավորման պորտֆելը կազմել է մոտ 51 մլրդ դրամ՝ նախորդ տարվա նույն ժամանակահատվածի համեմատ աճելով 11.2%-ով:  Այս մասին հայտնում են Կոնվերս Բանկի մամուլի բաժնից:

Ազդեցիկ է հատկապես տարբեր ծրագրերի ներքո հիփոթեքային վարկավորման պորտֆելի աճը. վերջին 4-5 տարիների ընթացքում Մատչելի բնակարան երիտասարդներին ծրագրի ներքո և Ազգային հիփոթեքային ընկերության վերաֆինանսավորմամբ վարկավորման ծավալերն աճել են մոտ 6 անգամ:

Կոնվերս Բանկը հիփոթեքային վարկավորում է իրականացնում երեք արժույթով՝ ՀՀ դրամ, ԱՄՆ դոլար և Եվրո՝ այդ թվում առաջնային շուկայում համագործակցելով կառուցապատողների հետ:  Գրավչության, մրցունակ տոկոսադրույքի և ճկունության շնորհիվ Կոնվերս Բանկի՝ անշարժ գույքի ձեռքբերման, կառուցապատման և վերանորոգման  վարկերի նկատմամբ հետաքրքրությունը կայուն աճում է, ինչը շնորհիվ այս ցուցանիշով  Բանկը կայուն դիրք է զբաղեցնում համակարգի առաջատարների շարքում և լավագույններից է Ծրագրային վարկավորման ցուցանիշով:

Առաջնային շուկայից անշարժ գույքի ձեռքբերման վարկավորումը էլ ավելի խթանելու և հաճախորդներին ծառայությունների մատուցման առավել նպաստավոր պայմաններ ստեղծելու նպատակով Կոնվերս Բանկը առաջիկայում հանդես կգա նոր, հետաքրքիր առաջարկով:

Բանկի հիփոթեքային վարկատեսակներին կարելի է ծանոթանալ հետևյալ հղմամբ: 

Կոնվերս Բանկը վերահսկվում է  ԿԲ կողմից: