Ռուսաստանում կորոնավիրուսի արագ թեստեր են ստեղծել

Ռուսաստանի բժշկական-կենսաբանական դաշնային գործակալությունն արագ թեստեր է մշակել կորոնավիրուսի «յոտա» և «լյամբդա» հիմնամանրէների բացահայտման համար: Այս մասին գրում է «Ռիա Նովոստի» գործակալությունը, վկայակոչելով Արևելյան տնտեսական համաժողովի ղեկավար Վերոնիկա Սկվորցովային:

Վերջինս հիշեցրել է, որ առկա են նաև թեստ-համակարգեր SARS-CoV-2 վիրուսի «դելտա» հիմնամանրէի հայտնաբերման համար:

«Յոտա» մուտացիան հայտնաբերվել է ԱՄՆ-ում անցյալ տարվա նոյեմբերին: Առողջապահության համաշխարային կազմակերպությունից հայտնել են, որ այդ տարբերակը չի հանգեցնում հիվանդության առավել ծանր ընթացքին և լուրջ համաճարակի բռնկման:

«Լյամբդա» հիմնամանրէն առաջին անգամ հայտնաբերվել է 2020 թվականին Պերուում: Այն հիմնականում տարածվել է Հարավային Ամերիկայում: