Ամենից շատ կարդացված նյութեր
.jpg "Համավարակի ընթացքում օդի որակը լավացել է")
Կորոնավիրուսի համավարակով պայմանավորված լոքդաունը, երբ միլիոնավոր մարդիկ փակված էին տներում, արտադրական ձեռնարկությունները չէին աշխատում, ավտոճանապարհներն ազատ էին ու գրեթե չկար օդային հաղորդակցություն, հանգեցրել է օդի որակի լավացմանը՝ հատկապես քաղաքային բնակավայրերում։ ՄԱԿ-ի պաշտոնական կայքի փոխանցմամբ, այս մասին վկայում է Համաշխարհային մետորոլոգիական կազմակերպության զեկույցը։
Նշվում է, որ շատ քաղաքաբնակներ առաջին անգամ տեսել են կապույտ ու պարզ երկինք կեղտոտ ամպերի փոխարեն։ Սակայն, աշխարհի տարբեր մասերում հրդեհների և ավազի փոթորիկների պատճառով օդի աղտոտվածության թույլատրելի մակարդակը դուրս է եկել սանդղակից նույնիսկ համավարակի ընթացքում։
Զեկույցի հեղինակները եկել են այն եզրակացության, որ օդի որակը, մեծապես կախված է մարդու գործունեությունից, սերտորեն կապված է կլիմայի փոփոխության հետ: Նրանք հաստատել են, որ 2020 թվականին ՝ տնտեսական ճգնաժամի ընթացքում, օդն աղտոտող մարդածին արտանետումները զգալիորեն նվազել են:
Միաժամանակ ծայրահեղ օդերևութաբանական իրադարձությունները հաճախակի դարձան, որոնցից շատերը ավազի և փոշու փոթորիկների, ինչպես նաև անտառային հրդեհների պատճառ են դարձել:
Այդ միտումը պահպանվել է նաև 2021-ին։ Արդեն այս տարի լայնածավալ անտառային հրդեհներ են Հյուսիսային Ամերիկայում, Եվրոպայում, Սիբիրում։
Studio One