Գվինեայում զինվորականները տապալել են պաշտոնավարման ժամկետները չեղարկած նախագահին

Գվինեայի բանակի հատուկ նշանակության ջոկատները հայտարարել են 83-ամյա նախագահ Ալֆա Կոնդեի տապալման և կառավարության լուծարման մասին: Այս մասին գրում է BBC-ն։

Պաշտպանության նախարարությունը նախօրեի կեսօրին հայտարարել է, որ հեղաշրջման փորձը խափանվել է, սակայն նախագահն ինքը դեռ չի ներկայացել հանրությանը, իսկ ապստամբները հայտարարություններ են անում հեռուստատեսությամբ:

Զինվորականները հայտարարել են, որ նախագահն իրենց ձեռքում է, անվտանգ վայրում, երկրում պարետային ժամ է սահմանվել, փակվել են սահմաններն ու կառավարության անդամներին հրամայել են մասնակցել երկուշաբթի օրը կայանալիք արտակարգ նիստին: