Պելեն քաղցկեղի հեռացման վիրահատություն է կատարել

Աշխարհի եռակի չեմպիոն Պելեն քաղցկեղի հեռացման վիրահատության է ենթարկվել։ Այս մասին գրում է «ՏԱՍՍ» գործակալությունը։

«Շաբաթ ես վիրահատության եմ ենթարկվել՝ կասկածելի նորագոյացության հեռացման համար: Քաղցկեղը հայտնաբերվել է հետազոտության ժամանակ, որի մասին հայտնել էի անցյալ շաբաթ», -գրել է Պելեն՝ շնորհակալություն հայտնելով անհանգստացողներին:

«Ֆուտբոլի արքան» անցյալ շաբաթ հոսպիտալացվել էր Սան Պաուլոյում՝ բուժզննում անցնելու նպատակով: