Բաքվից երկու հայ ռազմագերի է վերադարձել Հայաստան

Արցախում ռուս խաղաղապահների հրամանատար,  գեներալ-լեյտենանտ Ռուստամ Մուրադովը Ռուսաստանի օդատիեզերական ուժերի ինքնաթիռով Բաքվից Երևան է վերադարձրել երկու հայ զինծառայողների: Այս մասին տեղեկանում ենք Արցախում ռուս խաղաղապահների թելեգրամյան էջից։

Նա ադրբեջանական կողմին է հանձնել ադրբեջանական զինուժի զինծառայող Ջամիլ Բաբաևին, ով օգոստոսի 25-ին ձերբակալվել էր Արցախի տարածքում ՝ Մարտակերտ քաղաքում:

Սպուտնիկ Արմենիան գրել է, որ  վերադարձող 2 գերիները հուլիսի 14-ին Սև լճի տարածքից անհետացած զինվորականներն էին՝ զինծառայող Արթուր Նալբանդյանն ու վարորդ Արամայիս Տոռոզյանը։