Թուրքիան իր տարածք մուտքի համար չի ճանաչի մեկ բաղադրիչով պատվաստված լինելու փաստը

Թուրքական իշխանությունները խստացրել են երկիր մուտքի պատվաստումների պահանջները, մեկ բաղադրիչով պատվաստանյութերով պատվաստումները, այդ թվում՝ Sputnik Light-ը, չեն ճանաչվի:Այդ մասին «ՌԻԱ նովոստի»-ին հայտնել են հանրապետության ներքին գործերի նախարարությունից:

«Թուրքիա մուտք գործելիս Ռուսաստանի Դաշնության այն քաղաքացիներին, որոնք ստացել են երկու դեղաչափ և պատվաստանյութի երկրորդ դոզան ստանալուց հետո 14-օրյա ժամկետ են անցել, կարող են տրամադրվել ամբողջական պատվաստման վկայագիր կամ   վերջին վեց ամսվա ընթացքում COVID-19 հիվանդությունը հաղթահարածի վկայական: Նրանցից չի պահանջվի տրամադրել ՊՇՌ թեստի բացասական արդյունքը և հակագենի էքսպրես թեստ: Մեկ դեղաչափով պատվաստումը չի ճանաչվում»,-ասել է լրատվական գործակալության զրուցակիցը:

Վերջինս ավելացրել է, որ նրանք, ովքեր վերջին վեց ամսվա ընթացքում երկու դեղաչափով պատվաստման սերտիֆիկատ և COVID-19 հիվանդության հաղթահարման վկայական չեն տրամադրի, ստիպված կլինեն ՊՇՌ թեստի բացասական արդյունքը ներկայացնեն, որը պետք է կատարված լինի մուտքից ոչ շուտ, քան 72 ժամ առաջ կամ հակագենի էքսպրես թեստի արդյունք ունենան, որն արվել է ոչ շուտ, քան 48 ժամվա ընթացքում: