Ավելի քան 70 կին «ամուսնացել» են ծառերի հետ՝ նրանց անտառահատումից փրկելու համար

Ավելի քան 70 կին «ամուսնացել» են ծառերի հետ՝ բողոքելով Մեծ Բրիտանիայում անտառահատումների դեմ: 

Բնապահպանական կազմակերպիչները արարողությունը պլանավորել են՝ ի պատասխան Բրիստոլ քաղաքում ծրագրի, որով նախատեսվում է կառուցել 166 բնակարան մի վայրում, որտեղ ներկայումս «բնակվում է» 74 հասուն ծառ:

Ինչպես հաղորդում է BBC-ն, հարսնացուները ներկայացել են տարբեր մշակույթների հարսանյաց զգեստներով:

Թեև ամուսնությունն իրավաբանորեն պարտադիր չէ, կանայք վստահ են, որ այսպիսով իրենց ձայնը լսելի են դարձնում տեղական բնությունը պահպանելու համար մղվող պայքարում:

Միջոցառման կազմակերպիչ Սիոբհան Կիրանսը հույս է հայտնել, որ «ամուսնության» արարողությունը ցույց տվեց՝ «ծառերը մեր կյանքի զուգընկերներն են»: