Մենք Երևանից և Բաքվից ակնկալում ենք շուտափույթ պատասխան․ Զախարովա

Մոսկվան ակնկալում է, որ Երևանը և Բաքուն կարձագանքեն սահմանազատման հարցերի վերաբերյալ առաջարկներին, ասել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է «Ռիա Նովոստին»։

«Մենք ուշադիր հետևում ենք Հայաստանի և Ադրբեջանի միջև սահմանի որոշակի հատվածներում տիրող իրավիճակին: Իրավիճակի զարգացումը մեկ անգամ ընդգծում է սահմանազատման և դրան հաջորդող սահմանագծման գործընթացի մեկնարկի անհրաժեշտությունը», -ասել է Զախարովան ճեպազրույցի ժամանակ:

Նա հիշեցրել է, որ այս հարցի վերաբերյալ ռուսական կողմը առաջարկներ է ներկայացվել ինչպես Բաքվին, այնպես էլ՝ Երևանին:

«Մենք ակնկալում ենք շուտափույթ պատասխան՝ հետագա ընթացքը կազմակերպելու համար»,- ասել է նա: