«Ադրբեջանցիների թիրախում երեխաներն են»

Կապան-Գորիս ճանապարհին այս անգամ ադրբեջանցի զինվորականների թիրախում են հայտնվել արցախցի երեխաները: Այս դեպքում՝ խնդիրը ոչ թե մեքենայի համարանիշներն են եղել, այլ մեքենայի վրա պատկերված Արցախի դրոշը:

Երեկվանից շրջանառվում է մի տեսանյութ, որտեղ երևում է, թե ինչպես է ադրբեջանցի զինվորականը վնասում մեքենան՝ քերելով դրոշի պատկերը:

Արցախի Հանրային հեռուստանընկերության պատրաստած ռեպորտաժը պատմում է, որ Արցախի պատանի ֆուտբոլիստների ավտոբուսի քերված դրոշը փոխարինվել է նորով, իսկ երեխաները պատրաստվում են հաջորդ խաղին։