Ամենից շատ կարդացված նյութեր
.jpg "Հայաստանից 100 ուխտավոր այցելել է Ամարասի վանական համալիր")
Արցախի Հանրապետությունում ռուսական խաղաղապահ զորախմբի զինծառայողներն ապահովել են Ամարասի վանական համալիր Հայաստանից ժամանած մոտ 100 ուխտավորի այցի անվտանգությունը: Խաղաղապահների գործողությունների վերաբերյալ տեղեկատվությունը հրապարակվել է ՌԴ ՊՆ պաշտոնական կայքէջում:
Ըստ հաղորդագրության՝ Մարտունու շրջանի սահմանազատման գծի մոտ գտնվող սրբավայր են այցելում ինչպես Արցախի Հանրապետության, այնպես էլ Հայաստանի և այլ երկրների ուխտավորներ:
«Մենք եկել էինք Հայաստանից, շատ էինք ուզում գալ, սակայն մտավախություն ունեինք ճանապարհի անվտանգության հարցում, բայց շնորհակալ ենք խաղաղապահներին, որ կարողացանք հանգիստ գալ այստեղ: Խաղաղապահները շատ հարգալից են մեզ հետ, ինչի համար հայտնում ենք մեր շնորհակալությունը: Մենք ամբողջ ճանապարհը հանգիստ անցանք, պարզապես մեզ համար բարոյապես ծանր էր, բայց մենք տեսնում ենք, որ խաղաղապահները կատարում են իրենց առջև դրված խնդիրները, և մենք դրանից մեզ հանգիստ ենք զգում: Նրանք շատ մեծահոգի են, նույնիսկ հայերենով հետաքրքրվեցին մեր որպիսությամբ: Շնորհակալ եմ նրանց դրա համար»,- ասել է ուխտավոր Գայանե Մխիթարյանը:
Ըստ ՌԴ ՊՆ-ի՝ խաղաղապահներն ապահովում են ուխտավորների անվտանգությունը տեղաշարժի՝ Ամարասի վանական համալիր այցելելու ընթացքում և եկեղեցական ժամերգությունների ժամանակ:
«Ռուս խաղաղապահներն ապահովում են Ամարասի վանական համալիր ժամանած ուխտավորների անվտանգությունը: Այս սրբավայրը գտնվում է սահմանազատման գծի մոտ, ուստի խաղաղապահների ներկայությունն անհրաժեշտ է»,- ասել է ռուսական խաղաղապահ զորախմբի ներկայացուցիչ Ալեքսանդր Կորոլևը:
Studio One