«Օսկար»-ն արդեն այն չի. Միխալկով

Ռուս հայտնի կինոռեժիսոր Նիկիտա Միխալկովն անվստահություն է հայտնել «Օսկար» մրցանակին: Նրա կարծիքով, ռուսական ֆիլմերը մոտ ապագայում չեն կարողանա մրցանակ ստանալ քաղաքականացված լինելու պատճառով: Այս մասին գրում է kulturomania.ru կայքը:

«Օսկար»-ն արդեն այն չի»,- հայտարարել է Միխալկովը:

Միաժամանակ, ռեժիսորը կարծում է, որ հայրենական ֆիլմերը պետք է շարունակեն ուղարկվել մրցույթին:

Նիկիտա Միխալկովը նշել է, որ ինքը երբեք ռեժիսոր չի աշխատել հանուն մրցանակների: Սակայն 1995 թվականին «Օսկարի» արժանացել է նրա «Արևից կիզվածները» ֆիլմը: