Բայդենը ստորագրել Է ԱՄՆ-ի ժամանակավոր բյուջեն

ԱՄՆ նախագահ Ջո Բայդենը ստորագրել է կառավարության ֆինանսավորումը մինչև դեկտեմբերի 3-ը շարունակելու մասին օրենքը, հաղորդում է Սպիտակ տան մամուլի ծառայությունը, այս մասին գրում է «ՌԻԱ ՆՈՎՈՍՏԻ» գործակալությունը։

«Փաստաթուղթը ստորագրվել է որպես օրենսդրական ակտ»,- նշել են վարչակազմում:

Բայդենը նաև շնորհակալություն է հայտնել փաստաթղթի աշխատանքներին մասնակցած օրենսդիրներին, նշվում է հաղորդագրության մեջ:

Ավելի վաղ ԱՄՆ Ներկայացուցիչների պալատը Սենատից հետո հաստատել է դաշնային կառավարության ֆինանսավորումը շարունակելու մասին օրինագիծը՝ կանխելով նրա աշխատանքի դադարեցումը:

Ժամանակավոր բյուջեի բացակայությունը ԱՄՆ-ին սպառնում է դադարեցնել կառավարական բազմաթիվ հաստատությունների գործունեությունn արդեն հոկտեմբերի 1-ի կեսգիշերից։