Միխեիլ Սաակաշվիլին հացադուլ է հայտարարել

Վրաստանի ժողովրդական պաշտպան Նինո Լոմջարիայի հայտարարությամբ, Վրաստանի նախկին նախագահ Միխեիլ Սաակաշվիլին, ով երեկ ձերբակալվել է Վրաստանում, հացադուլ է հայտարարել: 1tv.ge-ի հաղորդմամբ, այս մասին նա ասել է լրագրողներին՝ Ռուսթավիի տասներկուերորդ քրեակատարողական հիմնարկում Միխեիլ Սաակաշվիլիին այցելելուց հետո:

Լոմջարիան պնդել է, որ Սաակաշվիլին, որպես Ուկրաինայի քաղաքացի, հանդիպում է պահանջում Ուկրաինայի հյուպատոսի հետ:

«Ինձ հետաքրքրում էր կալանավորման պայմանները, արդյոք տեղի չի ունեցել ուժի չարաշահում, արդյոք չունի վնասվածքներ: Նա այսօր ձերբակալվել է Թբիլիսիի տներից մեկում, նա միայնակ էր: Դիմադրություն չի եղել, հետևաբար, ուժ չի կիրառվել», – ասել է Նինո Լոմջարիան:

Միխեիլ Սաակաշվիլին հոկտեմբերի 1-ի առավոտյան իր էջում գրառում էր կատարել ՝ նշելով, որ նա անօրինական է մուտք գործել երկիր և արդեն Վրաստանում է: Ավելի ուշ նա տեսաուղերձ էր հրապարակել, որում նաև ակնարկել էր, որ գտնվում է Բաթումում: Սակայն կարճ ժամանակ անց Սաակաշվիլին հրապարակել էր մեկ այլ տեսանյութ, որտեղ ասել էր՝ տեսանյութը նկարահանվել է Բաթումի բուլվարում:

Վարչապետ Իրակլի Ղարիբաշվիլին կառավարության վարչակազմում հատուկ ճեպազրույցի ժամանակ ասել էր, որ Միխեիլ Սաակաշվիլին ձերբակալվել է: