04.10.2021. ՀՀ-ում հաստատվել է կորոնավիրուսի 627 դեպք, մահացել է 25 մարդ

Հայաստանում երեկ կատարվել է 7533 թեստավորում, որից հաստատվել է կորոնավիրուսային հիվանդության 627 նոր դեպք: Աառողջապահության նախարարությունից հայտնում են, որ առողջացել է 832 հիվանդ, գրանցվել է մահվան 25 դեպք: 

Ըստ ԱՆ-ի՝ հոկտեմբերի 4-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր  265 317 դեպք, որոնցից  244 842-ն` առողջացած, 5397-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 13 860 պացիենտ: Ընդհանուր առմամբ, կատարվել է 1 755 063 թեստավորում:

Նշվում է նաև, որ նախորդ օրն արձանագրվել է մահվան 4 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 1218 է: