Պուտինը Փաշինյանի հետ կքննարկի Ղարաբաղի վերաբերյալ հայտարարությունների իրականացումը․ Կրեմլ

Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ երեքշաբթի կքննարկի Լեռնային Ղարաբաղի վերաբերյալ հայտարարությունների կատարման ընթացքը։ Այս մասին, Ria-ի հաղորդմամբ, հայտնել է Կրեմլի մամուլի ծառայությունը:

«Հոկտեմբերի 12-ին Մոսկվայում տեղի կունենա ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի բանակցությունները: Նախատեսվում է դիտարկել Լեռնային Ղարաբաղի վերաբերյալ Ռուսաստանի, Հայաստանի և Ադրբեջանի ղեկավարների՝ նոյեմբերի 9-ի ու 2021 թվականի հունվարի 11-ի հայտարարությունների կատարման ընթացքը, ինչպես նաև հետագա քայլերը՝ կայունության ամրապնդման և տարածաշրջանում տնտեսական կապերի հաստատման համար», - ասվում է հաղորդագրության մեջ:

Բացի այդ, կքննարկվեն եվրասիական տարածքում երկկողմ հարաբերությունների զարգացման և ինտեգրացիոն մարմիններում փոխգործակցության արդիական հարցեր: