«Հայաստան» խմբակցության պատգամավոր Արթուր Սարգսյանն ազատ կարձակվի 20 միլիոն դրամ գրավով

«ՀՀ Ազգային ժողովի պատգամավոր Արթուր Սարգսյանը շատ շուտով կլինի ազատության մեջ: Այսօր' 14.10.2021թ. Սյունիքի մարզի ընդհանուր իրավասության դատարանի որոշմամբ նրա նկատմամբ կիրառվել է 20 մլն դրամի չափով գրավ»,- այս մասին հայտնում է պաշտպան Էմին Խաչատրյանը։ 

Հիշեցնենք, որ Սիսիանի  նախկին համայնքապետ  Արթուր Սարգսյանին մեղադրանք է առաջադրվել՝ ՀՀ քրեական օրենսգրքի 308-րդ հոդվածի 2-րդ մասով և 314-րդ հոդվածի 1-ին մասով՝ Պաշտոնեական լիազորությունները չարաշահելու  և Պաշտոնեական կեղծիք կատարելու դեպքով։