Արցախի Հանրապետության ՄԻՊ. ՊԲ-ում զոհեր չկան

Արցախի Հանրապետության զինված ուժերի զինծառայողների թվում զոհվածներ չկան: Թվիթերում գրել է Արցախի Հանրապետության Մարդու իրավունքների պաշտպան Գեղամ Ստեփանյանը։

«Ես այցելեցի Ստեփանակերտի զինվորական հոսպիտալի վիրավոր զինծառայողներին: Արցախի պաշտպանության բանակում զոհված զինծառայողներ չկան: Ներկայումս Արցախում ռազմական գործողություններ չեն իրականացվում», - գրել  է նա:

Հիշեցնենք, որ ավելի վաղ Արցախի Հանրապետության պաշտպանության բանակը հայտնել էր.
«Հոկտեմբերի 14-ի երեկոյան, ադրբեջանական զինված ուժերը կրակ են բացել Արցախի Հանրապետության արևելյան սահմանագոտում տեղակայված ՊԲ մարտական հենակետի ուղղությամբ, ինչի արդյունքում հրազենային վիրավորում է ստացել վեց զինծառայող: Միջադեպի մասին անհապաղ տեղեկացվել է Արցախում ՌԴ խաղաղապահ զորակազմի հրամանատարությունը»:

I visited wounded servicemen at Stepanakert military hospital.

Artsakh Defense Army has no killed soldier.

There are no hostilities going on now in Artsakh.

— Gegham Stepanyan (@Gegham_Artsakh) October 14, 2021